Skólagjöld 2023 - 2024 fyrir heilsársnám eru 300.000 kr. á önn
Greiðslufyrirkomulag
Skólagjöld eru 600.000 kr. fyrir heilsársnám og þar af staðfestingargjald 50.000 kr. sem er óafturkræft. Skólagjöld eru greidd í tvennu lagi í ágúst og febrúar, nema annað sé tilgreint. Fyrstu önn í námi er staðfestingargjald greitt að upphæð 50.000 kr. og 300.000 kr. hluti skólagjalda sem gera 350.000 kr., seinni önn eru eftirstöðvar af heilsársnámi greiddar eða 250.000 kr. Við greiðslu á skólagjöldum samþykkir nemandi að hlíta reglum skólans. Skólagjöld fást ekki endurgreidd eftir að nám er hafið.
Mötuneyti
Hluti af skólagjöldum er fæði og eru allir nemendur skilyrðislaust skráðir í mötuneyti skólans þar sem morgun- og hádegisverður er alla virka skóladaga og kvöldverður frá mánudegi til fimmtudags.
Heimavist
Umsækjendur geta valið á milli einsmanns og tveggjamanna herbergja og fer verð eftir stærð herbergja. Heimavistarbúar hafa aðgang að þvottaaðstöðu í skólanum.
Verðbil er frá 40.000 kr. til 55.000 á mann á mánuði.
Gisting fyrir þátttakendur í staðlotum, opnum vinnustofum og námskeiðum
Einstaklingsherbergi án baðs 7.500 kr. nóttin.
Tveggjamanna herbergi án baðs 12.000 kr. nóttin.
Tveggjamanna herbergi með baði 17.000 kr. nóttin.
Öll herbergi eru með uppábúnum rúmum og handklæðum.
Snyrtingar eru að finna á þremur stöðum í húsinu.
Reynum að verða við öllum beiðnum um herbergjategund.
Verðdæmi fyrir fullt nám í einstaklingsherbergi:
| Skólagjöld og fæði | 300.000 kr | miðað við önn í námi |
| Einstaklingsherbergi | 160.000 kr. | 40.000 kr. x 4 mánuðir ein önn |
| Húsaleigubætur | -120.000 kr. | reiknivél á hms.is miða við 40.000 kr. og engar tekjur og eignir |
| Jöfnunarstyrkur | -195.000 kr | upphæð fyrir 2022 - 2023 |
| Menntunarstyrkur stéttarfl. | -130.000 kr. | upphæð frá VR sjá nánar um úthlutnarreglur |
| SAMTALS | 3.750 kr. á mánuði * | skólagjöld, húsnæði og fæði á mánuði (4 mánuðir gera 15.000 kr.) |
* verð án sveitarfélagsstyrkja eða annarra styrkja. Hvetjum einnig til að sækja um ferðastyrk hjá stéttarfélögum.
Lán og styrkir til náms
- Námslán hjá Menntasjóði námsmanna - námið er lánshæft hjá Menntasjóði námsmanna allar upplýsingar eru að finna á heimasíðu menntasjodur.is
- Jöfnunarstyrkur - á eingöngu við um nemendur í fullu námi. Styrkupphæð er breytileg milli ára, styrkur greiddur út eftir að námi lýkur í janúar fyrir haustönn og júní fyrir vorönn. Nánari upplýsingar er að finna á heimasíðu Menntasjóðs. Fastanúmer eignar er 217 5074
- Húsnæðisbætur – á eingöngu við nemendur í fullu námi. Húsnæðisbætur eru greiddar út mánaðarlega og er upphæð háð ýmsum breytum, sjá nánari upplýsingar á hms.is
- Stéttarfélög - hægt er að sækja um menntunarstyrk og ferðastyrk hjá flestum stéttarfélögum. Hver umsækjandi verður að kanna sinn rétt hjá sínu stéttarfélagi.
- Dæmi um úthlutnarreglur frá VR er miðað við að hámarki 130.000 kr. á ári fyrir nám. Ef hvorki hefur verið sótt um starfstengdan styrk né ferðastyrk í starfsmenntasjóð VR í þrjú ár í röð er hægt að sækja um styrk að hámarki 390.000 kr. fyrir einu samfelldu námi. Aðeins er hægt að sækja um styrkinn í einu lagi. Greiðslur til sjóðsins þurfa að hafa borist að lágmarki í 30 mánuði af síðustu 36 mánuðum fyrir dagsetningu umsóknar.
- Sveitarfélög - mörg sveitarfélög bjóða upp á styrki til menntunar fjarri heimabyggð. Kannaðu málið hjá þínu sveitarfélagi.
- Ýmis fyrirtæki og stofnanir - hægt er að sækja um ýmsa styrki hjá fyrirtækjum og stofnunum.
